"Rusiya telekanalları, yutuberlər, bloggerlər Azərbaycan Prezidenti İlham Əliyevin " Əl- ərəbiyyə " televiziyasına müsahibəsində səsləndirdiyi 1918 - ci ilin Mayın 28 - də Azərbaycanın müstəqilliyini elan etdiyi, Azərbaycan Cümhuriyyətinin 23 ay yaşadığını, 1920 - ci ildə Sovet Rusiyasının müstəqil dövlətin sərhədlərini qanunsuz keçib işğal etməsi fikrinə dözümsüz yanaşıb, od püskürüb, hədə tonunda danışırlar. Aydındır, İlham Əliyev tarixi həqiqətləri dilə gətirməsi hədəfə dəyib, Sovet Rusiyasının işğalçılıq siyasətini tarixi fakt, hadisələrlərlə izah etməsi Şimal qonşumuzu qıcıqlandırıb".
Bu sözləri "Şərq" qəzetinin baş redaktoru Akif Aşırlı öz sosila media hesabında yazıb.
Baş yazar Qeyd edib ki, rus propaqandistləri tarixi həqiqətləri, yaşananları öz aləmində hara fırlatsalar belə beynəlxalq qanunlara məhəl qoymadan Azərbaycan Cümhuriyyətini işğal etmələri faktlığında qalır:
"Bunu Avropa, Amerika, elə rus tarixçilərinin özləri də bilir və yazır. 1920 -ci ilin yanvarın 14 -də Paris Sülh konfransında böyük dövlətlər Azərbaycanın və Gürçüstanın müstəqilliyini tanıyıb. Müstəqilliyi tanınan dövlətin sərhədlərini aşaraq qanuni hakimiyyəti ultimatumla devirmək işğal deyil bəs nədir ? Rusiyanın təbliğat maşınını idarə edənlər Azərbaycanın 23 aylıq müstəqillik dövrünü Türkiyənin və Böyük Britaniyanın prokteratlığı ilə bağlamaları da tamamilə yanlışdır. Azərbaycan müstəqilliyini elan edəndən sonra Türkiyə ilə 4 iyunda "Dostluq və əməkdaşlıq" sazişini imzalayıb, bu imzalanmış sənədin 4 - cü bəndinə əsasən asayişi, ərazi bütövlüyünü təmin etmək ücün Türkiyədən hərbi yardım alıb. Qafqaz İslam Ordusununun tərkibində Türkiyənin peşəkar hərbi heyyəti, Azərbaycan milli hərbi qüvvələri, könüllülər iştirak edib. Bu Türkiyənin qardaş dövlət olaraq daim Azərbaycanın yanında olmasını göstərən ən əsas tarixi faktlarından biridir. 1918 - ci ilin noyabrında Qafqaz İslam Ordusu Mudros barışığına əsasən Cənubi Qafqaz ərazilərindən geri çəkilib, Böyük Britaniya ordusu kiçik heyyətlə qalib ordular komandanı timsalında Tomsonun rəhbərliyi ilə Bakıya gəlib, qısa müddətdə Azərbaycanın müstəqilliyi ilə bağlı tərəddüdlərinə son qoyulub, Fətəli xan Xoyski hökümətini elan olunmuş ərazilərdə, Qarabağ da daxil olmaqla qanuni hakimiyyət kimi tanıyıb, daxili siyasətə kiçik istisnalarla müdaxilə etməyib. Böyük Britaniyanın kiçik hərbi heyyəti də 1919 - cu ilin avqustunda Azərbaycanı tərk edib. Rusiya təbliğatçıları bu faktları bilmir ? Bilir, sadəcə işğalçılıqlarını həzm edə bilmirlər".
