Rusiyanın xarici işlər naziri Sergey Lavrov Dohada İran və Türkiyədən olan həmkarları Abbas Arakçı və Hakan Fidanla Suriyada pisləşən vəziyyəti müzakirə etmək üçün görüş gözləyir. O, bu barədə amerikalı jurnalist Taker Karlsona müsahibəsində deyib. Lavrov qeyd edib ki, Rusiyada Suriyadakı terrorçuları kimin dəstəklədiyi barədə məlumat var. Həmçinin qeyd edib ki, Rusiya isə bu prosesdə bütün tərəfdaşlarla onların maliyyə və silah kanallarının qarşısını necə alacağını müzakirə etmək istərdi. İctimai sahədə olan məlumatlarda, xüsusən amerikalıların, britaniyalıların və bəzilərinin adı çəkilir. Onun sözlərinə görə, bəziləri Qəzzanın bu qədər ciddi nəzarət altında olmaması üçün İsrailin vəziyyətin gərginləşməsində maraqlı olduğunu deyir. Lavrov vurğulayıb ki, Suriyada vəziyyəti sabitləşdirmək asan deyil, bu, çoxlu tərəflərin iştirak etdiyi mürəkkəb bir oyundur.
Orta Doğu Araşdırmalar Mərkəzinin sədri, politoloq Sədrəddin Soltan “Sherg.az”a bildirib ki, Sergey Lavrov ATƏT-in Maltada keçirilən mətbuat konfransında bu il dekabrın ortalarında və yaxud 2025-ci ilin əvvəllərində Astana formatında görüşün keçirilə biləcəyini söylədi:
“Astana formatı səmərəsiz və uğursuz formatdır. Çünki Astana formatı zamanı Moskva, Ankara və Tehran arasında atəşkəsə dair razılıq əldə olunmasına baxmayaraq, Rusiya və Əsəd qüvvələri Hələb, İdbil şəhərlərində daim Türkiyənin qüvvələrinə və yerli sakinlərə atəş açıb. Bu barədə Türkiyə dəfələrlə Rusiyaya qarşı etirazlarını bildirib. Əldə edilmiş razılığa əsasən bu kimi şəhərlərdə Türkiyə və Rusiya hərbiçilərindən ibarət ortaq patrul xidməti göstərməliydi. Amma hadisələr belə bir xidmətin fəaliyyətinin olmadığını göstərir”.
