Türkiyədə çobanlıq peşəsi artıq gənc nəsil tərəfindən seçilmir.
Sherg.az xəbıər verir ki, İstehsalçılar çətin vəziyyətdədir, çobanlar isə demək olar ki, qızıl dəyərində olublar.
Tuncelinin Çəmışgezek rayonunda yaşayan və uzun illərdir xırdabuynuzlu heyvandarlıqla məşğul olan istehsalçılar, artan xərclər və çoban maaşlarındakı yüksək artım səbəbilə çətin günlər keçirirlər.
Keçən il 70 min lirə olan çoban maaşlarının bu il 130 min lirəyə qalxdığını bildirən istehsalçı Mürsəl Bulut, dörd çoban üçün ayda təxminən 550 min lirə xərclədiyini, bütün ehtiyaclarını ödəmələrinə baxmayaraq çoban tapmaqda çətinlik çəkdiklərini qeyd edib.
Bulut, qazancının böyük bir hissəsini bu şəkildə itirdiyini və hər hansı tədbir görülməzsə heyvandarlığın məhv olmaq təhlükəsi ilə üz-üzə qalacağını deyib.
Mürsəl Bulut belə danışıb:
“4 çobanım var idi, ayda 550 min lirəyə yaxın pul ödəyirdim. Çobanların heç bir xərcini özləri çəkmirlər. Tütünündən geyiminə qədər hər şeyi biz qarşılayırıq. Əgər bu çoban qiymətləri belə davam etsə, deməli xırdabuynuzlu heyvandarlıq bitmək üzrədir.”
