İngiltərədə York Universitetinin alimləri məşhur “‘Monday’s Child’ adlı məşhur uşaq şeirini araşdıraraq, doğulduğunuz günün xarakterinizə təsiri olub-olmadığını öyrəniblər.
Sherg.az xəbər verir ki, 1.100-dən çox əkiz ailəsindən toplanan 2.000-dən çox uşağın məlumatlarını təhlil edən tədqiqatçılar, doğum gününün uşaqların xarakterinə, sosial davranışına və görünüşünə bir təsirinin olmadığını müəyyən ediblər.
Tədqiqatın rəhbəri Prof. Sophie von Stumm bildirib ki, belə inancların elmi əsası yoxdur. Tədqiqat göstərib ki, məsələn, çərşənbə günü doğulanlar daha kədərli, bazar ertəsi doğulanlar isə daha gözəl olmur. Belə təsəvvürlər uşaqların özlərini dərk etməsinə təsir edə bilər, amma əsas faktorlar genetik, mühit və ailənin sosial-iqtisadi durumudur.
Alimlər bu cür şeirlərin uşaqların dil bacarıqlarına müsbət təsir etdiyini, amma xarakter formalaşdırmaq gücünün olmadığını vurğulayıblar.
