Əslində, bu soyad sonluğu türk, daha dəqiqi isə tatar mənşəlidir
“Son dövrlərdə soyad sonluğu ilə bağlı mübahisələrə rast gəlirəm. Bizdə elə təsəvvür yaranıb ki, guya "ov", "yev" soyad sonluğu ruslara aiddir və ya rus mənşəlidir. Ancaq kök və mənşəcə "ov", "yev" soyad sonluğu türk, daha dəqiqi isə tatar mənşəlidir və ruslar da bu soyad sonluğunu tatarlardan götürüblər. Bu sonluqların mənası isə "oba", "ev" deməkdir”.
Bu sözləri “Sherg.az”ə açıqlamasında siyasi şərhçi Vüqar Dadaşov deyib.
Onun sözlərinə görə, moğol-tatar iqasının slavyan xalqları, o cümlədən ruslar üzərində çox əsrlik hökmranlığının təsiri danılmazdır:
“İndiki rus soyad sonluqları və ələlxüsus da soyadların özləri belə türk kökənlidir. Rusiyanın əksər zadəgan ailələri, yüksək təbəqəsi, nəsillər belə türk əsillidir.
Qaldı ki, digər slavyan xalqlarına, hələ IV, V əsrlərdə Böyük Hun imperatoru Atillanın Avropaya yürüşündən sonra yerli zadəgan və valilər hunlara aid olduğunu göstərmək üçün türk ad və soyad, ləqəb və totemlərdən geniş istifadə edib. XXIII-XXIV əsrlərdə, yəni
sonrakı dövrlərdə də Moğol-Tatar Qızıl Orda Şərqi Avropaya yürüş edib, əsarətdə saxlayıb və hətta daimi əsaslarla məskunlaşıb. Ona görə də Şərqi Avropada və xüsusən də slavyan xalqlarında da türk mənşəli soyadların mövcudluğu tarixi prosesin təbii nəticəsidir.
Bəli, bu da həqiqətdir ki, "ov, "yev" soyad sonluqları artıq rusların milli soyad sonluğu kimi qəbul edilir. Araşdırmalar aparandan sonra, soyadımızda dəyişiklik etmədik. Əlbəttə ki, soyad sonluğu kimi, "oğlu", "soy", "lı", "li", "i" sonluqları qəbul edilmiş türk mənşəli soy işarəsidir”.
