Türkiyə Ticarət Nazirliyi ictimai sağlamlığı və istehlakçıların qorunması məqsədilə pərakəndə ticarət və elektron ticarətdə ana südünün satışının qadağan edildiyini açıqlayıb.
Sherg.az “Milliyet.com.tr”yə istinadən bildirir ki, Ticarət Nazirliyindən verilən açıqlamada "Körpələrin sağlam böyüməsi və inkişafı üçün həyati və əvəzolunmaz qida mənbəyi olan ana südü insanın sağlamlıq vəziyyəti, qidalanma vərdişləri, keçmiş infeksiya öyküsü kimi bir çox şəxsi faktorlardan təsirlənir. Bu səbəbdən də sağılmayan, daşınmayan və müvafiq şəraitdə saxlanılmayan ana südünün istehlakı birbaşa olaraq körpənin sağlamlığı və ictimai sağlamlığı üçün ciddi təhlükə yaradır. Son zamanlar Ticarət Nazirliyinə ana südünün ayrı-ayrı şəxslər tərəfindən kommersiya malına çevrildiyi və müxtəlif platformalarda, xüsusilə feysbuk və instaqram kimi rəqəmsal platformalarda satışa təqdim edildiyi barədə müxtəlif bildirişlər daxil olub. Bu vəziyyətin səbəb ola biləcəyi sağlamlıq risklərini nəzərə alaraq edilən qiymətləndirmələr nəticəsində, ictimai sağlamlığı və istehlakçıları qorumaq üçün Ticarət Nazirliyi qərara alır: 6563 saylı Elektron Ticarətin Tənzimlənməsi haqqında Qanun və 6585 saylı Pərakəndə Ticarətin Tənzimlənməsi haqqında Qanuna uyğun olaraq; Bu qadağaya zidd hərəkət edən şəxslərə, ana südü satanlara, reklam və təqdimat fəaliyyətləri ilə məşğul olanlara və rəqəmsal mühitdə bu prosesə vasitəçilik edən platformalara, hər pozuntuya görə 684.214 TL-yə qədər inzibati pul cəzası tətbiq edilə bilər. Əhalinin sağlamlığını qorumaq üçün qəbul edilən bu qərara əməl etmək vacibdir” ifadələri yer alıb.
