ABŞ-li dini lider Brandon Dale Biggs, keçən il Prezident Donald Trampa yönəlmiş sui-qəsd cəhdini təxminən 3 ay öncədən bildiyini iddia etmişdi. İndi isə o, daha böyük və qorxunc bir öngörmə ilə gündəmə gəlib.
Sherg.az xəbər verir ki, Oklahoma ştatında yaşayan Biggs sosial mediada paylaşdığı videoda Tanrıdan aldığını iddia etdiyi “böyük bir fəlakət vizyonunu” açıqlayıb. Papaza görə fəlakət, Missouri, Arkansas, Tennessee, Kentucky və Illinois ərazilərini təsir edəcək 10 ballıq zəlzələ ilə baş verəcək.
Biggs bildirib:
“Rəbb mənə dedi ki... “Üç günlük pəncərə” görəcəksiniz. O zaman qaçmaq vaxtı gələcək.”
Din xadiminə görə, bu üç gün ərzində ölkənin mərkəzində yerləşən Nyu Madrid fay xətti qırılacaq və bir sıra şəhərlər xəritədən silinəcək.
Brandon, Tanrının ona göstərdiyi vizyonu belə təsvir edib:
“Amerikanın ürəyində zəncirvari bir fəlakət baş verdi. Evlər təməlindən uçurdu, körpülər dağıldı, hətta Mississippi çayı istiqamətini dəyişirdi.”
Biggs əlavə edib ki, helikopterlər yardım daşıyırdı, amma o qədər alçaq uçurdular ki, evlərin damları titrəyirdi. İnsanlar panik içində qaçırdı.
Biggs daha əvvəl Trampa yönəlmiş sui - qəsdi doğru təxmin etdiyi üçün diqqət çəkmişdi. Lakin alimlər onun bu iddiasına şübhə ilə yanaşır. Mütəxəssislərə görə, Nyu Madrid xəttində 10 ballıq zəlzələ baş verməsi demək olar ki, mümkün deyil, lakin bu bölgədə önümüzdəki 50 il ərzində 6 və ya daha böyük sarsıntı olma ehtimalı yüksəkdir.
