Çində böyük bir şirkətin qəbul etdiyi qərar ictimaiyyətdə böyük təəccüb yaradıb. Ölkədə evlilik nisbətini artırmaq üçün başladılan təcrübə çərçivəsində subay işçilərə evlənmək üçün vaxt verilib.
Medicina.az xəbər verir ki, Çində evlilik nisbətlərinin azalması ilə əlaqədar ölkənin aparıcı şirkətlərindən biri olan Shuntian Chemical Group diqqətəlayiq bir təcrübə həyata keçirib.
Şandunqda xidmət göstərən nəhəng şirkət, ölkədə evlilik nisbətlərini artırmaq üçün ötən ay işçiləri arasında yeni təcrübəyə başlayıb.
Şirkətin həyata keçirdiyi bu təəccüblü praktika çərçivəsində subay və boşanmış işçilərinin sentyabr ayına qədər evlənməli olduğunu, evlənməyənlərin isə işdən çıxarılacağını açıqlayıb.
1200-dən çox işçisi olan Shuntian Chemical Group 28-58 yaş arası subay və boşanmış işçilərə “30 sentyabra qədər evlilik problemlərinizi həll edin” deyərək anons verib. Bu təəccüblü təcrübə böyük ictimai reaksiyaya səbəb olub.
Böyük ictimai reaksiyaya səbəb olan bu elanın Çinin əmək qanunu və əmək müqaviləsi qanununun müddəalarını pozduğu bildirilib. Reaksiyalardan sonra hökumətin müdaxilə etdiyi və bu praktikanın qarşısını aldığı açıqlanıb.
