"Xalqın birliyi lazımdır"
Turan
07:38 16.07.2020
Cəmiyyət
815
"Vətənin ağır günündə təxribatlara yol vermək olmaz"
Yaqub Məmmədov: "Birlikdə yumruğumuzu sıxaraq düşmənin başını əzməliyik"
İyul ayının 14-də gecə saatlarında gənc vətənpərvər insanlarımızın Azərbaycan Ordusuna dəstək yürüşü ordu-xalq birliyinin bariz ifadəsi və qürurverici hadisədir. Bu yürüş həm də erməni quldurlarına, işğalçılara Azərbaycanın gücünü, mətanətini və qətiyyətini nümayiş etdirdi. Lakin bəzi məkrli qüvvələrin saf niyyətli vətənpərvər gənclərimizin əsgərimizə dəstək yürüşündən öz çirkin məqsədləri üçün istifadə etmək cəhdləri təəssüf doğurmaya bilməz.
Aksiya zamanı səsləndirilən təhlükəli çağırışlar, ictimai asayişi pozmaq cəhdləri kimlərinsə ölkədə sabitliyə zərbə vurmaq, xalqın birliyi və həmrəyliyinə nifaq salmaq arzusudur. Mahiyyət etibarilə düşmən dəyirmanına su tökməkdən başqa bir şey deyil. İnsanlarımızın xoşniyyətli yürüşündən bəd məqsədlərlə istifadə etmək, qarşıdurma yaratmaq təşəbbüsləri yolverilməzdir.
Sərhəddə hərbi əməliyyatlar getdiyi vaxtda bir qrup şəxsin Bakının küçələrində iğtişaş yaratmaq cəhdləri, Milli Məclisin binasına girərək vandallıq törətməsi, polislərə qarşı zor tətbiq olunması vətəndaşlıq mövqeyinə və qanunlara ziddir, ən əsası şəhidlərin ruhuna hörmətsizlikdir. 1990-cı illərin əvvəllərində baş verən gərgin hadisələr, anarxiya, özbaşınalıq və xaos yaxın tariximizdir və hələ də yaddaşlardan silinməyib.
Bəzi siyasi qrupların, şəxslərin bir daha hərc-mərclik yaratmaq, ölkəmizi yenidən o dövrə qaytarmaq cəhdləri ciddi qınanılmalıdır. Azərbaycan güclü dövlətdir, əldə olunmuş təhlükəsizlik, əmin-amanlıq, sabitlik, inkişaf və sosial rifah müstəqillik dövrümüzün ən böyük nailiyyətləridir. İstər pandemiya ilə mübarizədə, istərsə də cəbhədə düşmənə qarşı milli birlik, həmrəylik, güclü milli iradə nümayiş etdirmək zəruridir. Hər birimiz məsuliyyətlə davranmalı, nizam-intizama riayət etməli, cəmiyyətimizdəki mövcud təhlükəsizliyi və sabitliyi qoruyub saxlamaq üçün bütün səylərimizi səfərbər etməliyik.
Ordumuza dəstək yürüşü zamanı yaşanmış arzuolunmaz hadisələri “Şərq”ə təhlil edən Milli Məclisin sabiq sədri Yaqub Məmmədov bildirib ki, Vətənin ağır günündə bu cür təxribatlara yol vermək olmaz. Eks-spikerin sözlərinə görə, düşmənin təxribatları zamanı xalqın həmrəylik nümayiş etdirməsi, soyuqqanlı və ağıllı addımlar atması çox vacibdir:
“Əqidəsindən asılı olmayaraq bütün siyasi qüvvələr həssas məqamlarda birləşməli, iqtidar və müxalifət ayrıseçkiliyi edilməməlidir. Birlikdə yumruğumuzu sıxaraq düşmənin başını əzməliyik.
Əlimizə bir fürsət düşüb və çalışıb ermənilərin dərsini verməliyik. Bunun üçün isə xalqın birliyi lazımdır. Mütəşəkkil olmaq əvəzinə, paytaxtda bir-birimizə, asayişi qoruyan hüquq-mühafizə orqanlarına güc tətbiq edirik. Milli Məclisin şüşələrini sındırmaqla nəyə nail olmaq istəyirlər?!
Ermənilər bizim hərəkətlərimizə baxıb gülürlər. Deyirlər baxın, azərbaycanlılar öz hökumətlərinə qarşı çıxırlar və s. Bunlara yol verənlər mütləq cəzalandırılmalıdır. Belə təxribatların qəti əleyhinəyəm”.
Oxşar xəbərlər
Xəbər lenti
Hamısına bax
Payızda bu 2 qida mütləq yeyilməlidir
07:17 16.11.2026
Sağlamlıq
ABŞ-ın daha bir aviadaşıyıcısı Yaxın Şərqə gəlir
06:42 16.11.2026
Aktual
Serial eşqi gerçək oldu
03:33 16.11.2026
Şou
Qanınızı qatılaşdıran 2 əsas səbəb
02:56 16.11.2026
Sağlamlıq
Hörmüz boğazında tanker minaya düşüb
01:59 16.11.2026
Son dəqiqə
Saakaşvili milli komandanı dəstəkləməyəcək - Səbəb
01:40 16.11.2026
Aktual
İran XİN: ABŞ-nin Tehranın şərtlərinə cavabı praktik deyil
00:37 16.11.2026
Region
KİV: İranın arsenalında 1500–2500 ballistik raket var
00:16 16.11.2026
Aktual
Çexiyada son 40 ilin ən böyük etirazı...
23:33 15.11.2026
Dünya
Xırdalanda güclü külək 7 avtomobilə ziyan vurub
23:15 15.11.2026
Hadisə
Husilər Ər-Riyadda hava limanını hədəfə aldıqlarını açıqlayıblar
22:56 15.11.2026
Gündəm
SEPAH Fars körfəzində supertankerin batırıldığını açıqlayıb
22:19 15.11.2026
Gündəm
ABŞ-də uçuşların noyabrın 16-da normallaşacağı proqnozlaşdırılır
21:03 15.11.2026
Gündəm
İlham Əliyev televiziya və radio işçilərini təbrik edib
20:08 15.11.2026
Rəsmi
İran ilk termonüvə sintezi qurğusunu işə salmağa hazırlaşır
19:50 15.11.2026
Region