“Robert Köçəryanın ölkə başçısı olduğu ilk gündən onun ətrafında nifrət mühiti hökm sürüb”.
Teleqraf xəbər verir ki, bunu Ermənistan parlamentinin spikeri Alen Simonyan deyib.
“Üzük əməliyyatı”, “27 oktyabr”, “1 mart” hadisələri bu nifrət mühitinin təzahürləridir. İkincisi, mən Robert Köçəryanı həbsdə görürəm”, - Simonyan bildirib.
Bunu necə belə əminliklə söylədiyi sualına spiker belə cavab verib:
“Belə olacaq, əminəm. Çünki ədliyyə sistemimizə inanıram, mən həm də ədliyyə sistemini izləyən və orada islahatlar aparan adamam”.
Parlament rəhbəri əlavə edib ki, Robert Köçəryan hakimiyyətdə olarkən törətdiyi cinayətlərin sübutlarını məhv edib. Amma Alen Simonyan onun ədalətli mühakimədən yaxa qurtara bilməyəcəyini vurğulayıb.
