Ermənistan Baş naziri Nikol Paşinyana qarşı impiçment prosesinin başladılması ləngiyir.
Teleqraf xəbər verir ki, bu barədə “Hraparak” qəzeti məlumat yayıb.
Erməni nəşri yazır ki, hakim “Vətəndaş Müqaviləsi” Partiyasından xaric edilən deputatlar Ovik Ağazaryan və Akop Aslanyan əvvəlcə təşəbbüsün əleyhinə olduqlarını desələr də, ardınca Ağazaryan bunu Vahid Milli Konstitusiya Partiyasında müzakirə etdiklərini, öz namizədlərini açıqlayacaqlarını bildirib:
“Məsələ artıq müzakirə edilib və səs çoxluğu ilə qəbul edilib, amma Akop Aslanyan bunun əleyhinə olub. Aslanyan Paşinyanın seçki yolu hakimiyyətdən kənarlaşdırılmasında maraqlıdır. O, bu məlumatı təkzib etməyib və impiçmentin heç bir nəticə verməyən proses olduğunu söyləyib.
“Nəticəsini və mənasını görmədiyim bir prosesdə iştirak etməyə öyrəşməmişəm”, - Aslanyan vurğulayıb.
Onun sözlərinə görə, indiki halda hakim partiyadan heç kim Nikol Paşinyana qarşı çıxmayacaq”.
