Bir qrup etirazçı Ermənistan parlamentinin binası önündə aksiya keçirir.
Teleqraf xəbər verir ki, parlamentdə Baş nazir Nikol Paşinyana qarşı impiçment prosesi ilə bağlı dinləmələr təşkil olunub.
Təşəbbüskar parlamentdəki müxalif “Şərəfim var” fraksiyasıdır.
Milli Məclisin önündə toplaşan müxaliflər orada quraşdırılan ekranda dinləmələri izləyirlər.
Fraksiyanın rəhbəri Hayk Mamicanyan söyləyib ki, dinləmələr parlament və parlamentdənkənar qüvvələrlə hakimiyyət dəyişikliyinə nail olmaq variantlarını praktiki olaraq müzakirə etmək məqsədilə təşkil edilib. Mamicanyan həmçinin qeyd edib ki, dinləmələrdə 300-dən çox adam iştirak etmək arzusunu bildirib, amma onlardan 160-nın iştirakı təsdiqlənib.
Fraksiya rəhbəri həmçinin bu təşəbbüsün nəticəsiz qala biləcəyini də dolayı yolla etiraf edib:
“Bunun işə yarayıb-yaramayacağına baxmırıq, sadəcə borcumuzu yerinə yetirəcəyik. Hamımız söz vermişik ki, 2026-cı ildə Paşinyanı vəzifədən uzaqlaşdıracağıq. Sözümüzü yerinə yetirmək üçün hər şeyi edirik”.
Mamicanyan parlament və parlamentdənkənar qüvvələrə praktiki, mümkün yollar axtarmaq üçün platforma təqdim etdiklərini vurğulayıb: “Küçə nümayişləri olmadan baş nazirə etimadsızlıq ifadəsi prosesi ola bilməz, bu, vacib komponentdir”.
