Gürcüstanda qüvvədə olan bütün qanunlardan “gender”, “gender kimliyi” kimi ifadələr çıxarılacaq.
APA-nın Tbilisi müxbiri xəbər verir ki, müvafiq qanunvericilik paketini hakim “Gürcü arzusu” və “Xalqın gücü” partiyalarından olan deputatlar parlamentə təqdim ediblər.
Təşəbbüsə əsasən, “Gender Bərabərliyi Haqqında” qanunun adı dəyişdirilərək “Qadın və kişilərin bərabərliyi haqqında” ediləcək.
Bundan başqa, qanunlardakı “gender məsələləri” ifadəsi “qadınlar və kişilər arasında bərabərlik məsələləri” ilə əvəz olunacaq. “Gender dözümsüzlüyü” ifadəsi isə “qadınlar və kişilər arasında bərabərliyə dözümsüzlik”lə əvəz ediləcək.
Qanunvericilik paketi baxılması üçün parlamentin müvafiq komitələrinə təqdim edilib.
