“Co Bayden administrasiyası dövründə Gürcüstan-ABŞ münasibətləri dramatik şəkildə pisləşmişdi, amma hazırda bu, artıq belə deyil”.
Teleqraf xəbər verir ki, bunu Gürcüstan xarici işlər naziri Maka Boçorişvili bildirib.
“Deyə bilmərəm ki, Gürcüstan-Amerika münasibətlərində heç nə baş verməyib və heç nə baş vermir. Son dörd ildə Bayden administrasiyası dövründə münasibətlərin dramatik şəkildə pisləşməsi müşahidə etdik, hər gün mənfi kontekstdə ABŞ ilə münasibətlər siyasi gündəmimizin bir hissəsi idi. İndi isə artıq belə deyil. Gördünüz ki, “dostluq” adlandırılan qanun layihəsi, hansı ki, dostluqla heç bir əlaqəsi yox idi, dayandırıldı və gündəmdən çıxarıldı. Bu, mühüm addımdır. Dəfələrlə demişik ki, Gürcüstan belə bir sənədin ABŞ-Gürcüstan münasibətlərinin əsası və ya müəyyənedici çərçivəsi olmasını istəmir. Arzumuz ondan ibarətdir ki, strateji münasibətlərimiz konkret məzmunla yenidən formalaşsın, bu da dialoqun mövzusudur”, - nazir bildirib.
