Gürcüstanda özəl şirkətlərin psixotrop preparatlar idxal etməsinə tam qadağa qoyulacaq.
Teleqraf-ın yerli bürosu xəbər verir ki, bu barədə ölkənin Baş naziri İrakli Kobaxidze brifinqdə bildirib.
Onun sözlərinə görə, qadağanın məqsədi psixotrop vasitələrdən qeyri-tibbi məqsədlə istifadənin qarşısını almaqdır.
“Psixotrop maddələr tədarük edən fərdi subyektlər Gürcüstanda bu cür vasitələrin istifadəsini süni şəkildə stimullaşdırır. Bu gün ölkədə psixotrop preparatların, xüsusən də benzodiazepinin istifadə səviyyəsi əhəmiyyətli dərəcədə yüksəkdir”, - Baş nazir söyləyib.
İ.Kobaxidze qeyd edib ki, Gürcüstanda xüsusi nəzarətə ethiyacı olan preparatların idxalı və reallaşdırılması hüququ yalnız dövlətə məxsus olacaq.
Hökumət başçısı əlavə edib ki, ölkədə reseptlərin yazılması və dərmanların verilməsinə nəzarət sərtləşdiriləcək.
