Gürcüstan Dövlət Təhlükəsizliyi Xidməti müxalif Milli Hərəkat Partiyasından olan Tbilisi Şəhər Şurasının üzvü Zviad Kupravanı saxlayıb.
Teleqraf xəbər verir ki, bu barədə Dövlət Təhlükəsizliyi Xidməti rəhbərinin birinci müavini Laşa Maqradze məlumat verib.
Kupravanın saxlanılması onun seçkilərin pozulması ilə bağlı yaydığı videomüraciətlə bağlıdır.
Qurumun bildirdiyinə görə, Kuprava Gürcüstan Cinayət Məcəlləsinin 317 və 353-cü maddələrində nəzərdə tutulan, hakimiyyətin devrilməsinə açıq çağırış və hakimiyyət nümayəndəsinə onun fəaliyyətinə xitam vermək məqsədi ilə müqavimət göstərən əməli törədib.
Zviad Kuprava videomüraciətində bildirmişdi ki, müxalifət oktyabrın 4-də (parlament seçkiləri günü) səhər Tbilisi boyu yürüşə başlayacaq. Müxalif siyasətçi Bidzina İvanişvili hökumətinin devriləcəyini də bəyan etmişdi.
