“Bu gün Gürcüstanın Rusiya-Ukrayna müharibəsində iştirakına təlabat nəinki zəifləməyib, hətta güclənməkdədir. Bu məqsədə nail olmaq üçün “Qlobal müharibə partiyası” Avropa İttifaqının strukturlarını və ayrı-ayrı məmurları istifadə edir”.
Teleqraf-ın yerli bürosu xəbər verir ki, bunu Gürcüstanın hakim “Gürcü Arzusu” partiyasının sədri, Baş nazir İrakli Kobaxidze keçirdiyi brifinqdə bildirib.
Onun sözlərinə görə, Gürcüstanda ikinci cəbhəni açmaq istəyi o qədər böyükdür ki, “Qlobal müharibə partiyası” bütün Avropa bürokratiyasını Gürcüstana hücum rejiminə çevirib və rıçaq kimi vizasız gediş-gəlişin ləğvini öz əllərində qalan “son kozır” hesab edirlər.
“Gürcüstanı müharibəyə cəlb etmək istəyənlər düşünürlər ki, Avropa İttifaqı ilə vizasız gediş-gəliş, hətta uydurma əsasla da ləğv edilərsə, bu, cəmiyyətdə elə bir həyəcana səbəb olacaq ki, son nəticədə hakimiyyətin devrilməsi və öz agentinin ölkənin rəhbərliyinə gətirilməsi ilə bitəcək”, - İ.Kobaxidze söyləyib.
