“Gəlin görək, tərəflər avqustun 8-də Vaşinqtonda imzalanmış sənədlərdən nə alıblar - ABŞ konkret olaraq gələcəkdə formalaşacaq dəhlizə nəzarəti götürüb, Ermənistan-İran sərhədinə faktiki nəzarət etmək imkanı əldə edib”.
Teleqraf xəbər verir ki, bunu Ermənistanın keçmiş prezidenti Robert Köçəryan mətbuat konfransı zamanı deyib.
“Azərbaycan Ermənistan ərazisindən dəhliz hüququ, Minsk qrupu və “907-ci düzəliş”in ləğvini aldı”, - Köçəryan bildirib.
Ermənistanın keçmiş prezidenti İrəvanın bu razılaşmadan qazancının sıfır olduğunu iddia edib:
“Qənaətə gəlmək olar ki, Nikol Paşinyan bəzək kimi Ağ Evdə olub. Orada stol, stul, şəkil, bayraq vardı, Paşinyan da orada idi”.
Qeyd edək ki, Robert Köçəryanın haqqında danışdığı məsələdə söhbət Azərbaycanın əsas hissəsi ilə Naxçıvan Muxtar Respublikası arasında açılacaq Zəngəzur dəhlizindən gedir.
