Ermənistanın keçmiş prezidentləri Levon Ter-Petrosyan, Robert Köçəryan və Serj Sərkisyan Azərbaycanla müharibəni ölkələrinin başlatdıqlarını etiraf ediblər.
Teleqraf xəbər verir ki, bu barədə Ermənistan parlamentindəki hakim “Vətəndaş Müqaviləsi” fraksiyasının rəhbəri Hayk Koncoryan məlumat verib.
“Sizin sülh prosesini əngəlləməyə çalışdığınız aşkar məsələdir, bunları görməmək mümkün deyil. Biz söyləyəndə ki, siz müsbət gündəmlərin düşmənisiniz və Ermənistanda istənilən müsbət gündəmi aşağılamağa çalışırsınız, inciyirsiniz, amma əslində belədir”, - fraksiya rəhbəri parlamentdəki müxalifət nümayəndələrinə müraciətində bildirib.
Hayk Koncoryan Ermənistan müxalifətini “sülh” sözündən narahat olmaqda ittiham edib:
“Sülh” sözünü eşidən kimi o dəqiqə şoka düşürlər. Heç bir daxili narahatlıq olmadan belə, Ermənistanı müharibəni qızışdırmaqda ittiham etməyə başlayırsınız. Ermənistanın üç prezidenti - Levon Ter-Petrosyan, Serj Sərkisyan və Robert Köçəryan Ermənistana qarşı belə ittihamlar irəli sürüblər, hər üçü Ermənistanı müharibəyə başlamaqda ittiham edib”.
