“Uzun müddətdir Azərbaycanla müzakirə olunan sənədlə tanış olmuşuq və Ermənistan tərəfinin Azərbaycana təklif etdiyi məqamları hissə-hissə görmüşük”.
Teleqraf xəbər verir ki, bunu Ermənistan parlamentindəki müxalif “Hayastan” fraksiyasının üzvü Qeqam Manukyan deyib.
“Əvvəllər müzakirə olunan sənəddə sərhədlərin delimitasiya və demarkasiyası ilə əlaqədar SSRİ Baş Qərargahının xəritələrinin heç vaxt qeyd olunmadığı barədə deyilənlər yanlışdır. Ermənistan tərəfi bunu təklif edib və bunu çoxdan gözümüzlə görmüşük. İndi bu, dərc olunan sənəddə (paraflanmış sülh sazişində) yoxdur. Mübahisələrin həlli ilə bağlı delimitasiya komissiyasında (İrəvan tərəfindən) beynəlxalq iştirak da təklif olunurdu, bu da yoxdur”, - Manukyan qeyd edib.
