İyunun 6-da Ermənistan Milli Məclisinin sədri Alen Simonyan Rusiya Federasiya Şurasının sədri Valentina Matvienkonun başçılıq etdiyi nümayəndə heyətini qəbul edib.
Teleqraf xəbər verir ki, Ermənistan parlamentinin sədri əvvəlcə rusiyalı həmkarı ilə təkbətək söhbət edib, daha sonra isə geniş tərkibdə görüş keçirilib.
Görüşdə ikitərəfli gündəmlə yanaşı, regional inkişaflara da ayrıca diqqət yetirilib.
Alen Simonyan regionda davamlı sülhün bərqərar edilməsi məsələsində İrəvanın mövqeyi ilə bağlı qeyd edib ki, Ermənistan və Azərbaycan arasında artıq razılaşdırılmış sülh sazişi imzalanmağa hazırdır.
Rusiya Federasiya Şurasının sədri də öz növbəsində Moskvanın regionda sülh və sabitliyin tərəfdarı olduğunu vurğulayıb.
