“Gürcüstanda seçkiləri pozmaq planı iflasa uğrayıb. Sabotaja baxmayaraq, seçkilər vaxtında keçirilir”.
Teleqraf-ın yerli bürosu xəbər verir ki, bunu Gürcüstan parlamentinin sədri Şalva Papuaşvili sosial şəbəkə hesabında yazıb.
O bildirib ki, 2024-cü ildə seçki baryerini aşmış dörd müxalifət partiyasından ikisi seçkilərdə iştirak edir:
“Lakin onların qələbəyə heç bir şansı yoxdur. “Gürcü Arzusu” seçkilərdə mütləq qələbəyə hazırlaşır”.
Spiker qeyd edib ki, qarşıdan gələn seçkilər səhvlərin etirafı üçün yaxşı məqamdır.
“Yanlış mövqedən çəkilin, Gürcüstanın suverenliyinə və xalq legitimliyinə lazımi hörmət göstərin və dövlətlərarası münasibətlərin sivil formasına qayıdın”, - Ş.Papuaşvili yazıb.
Parlament sədrinin sözlərinə görə, 4 oktyabr seçkiləri bir növ lakmus kağızıdır və Gürcüstana yaxşı münasibət bəsləyənlər üçün qarşıdurma və əməkdaşlıq etməmək kimi yanşamaya son qoymaq üçün yaxşı fürsətdir.
