“Kilsə bütün ermənilərin katolikosu II Qareginin övladının olub-olmadığına təcili aydınlıq gətirməlidir”.
Teleqraf xəbər verir ki, bunu Ermənistan Baş naziri Nikol Paşinyan sosial media hesabında yazıb.
“Eçmiədzin kilsəsi açıq şəkildə aydınlaşdırmalıdır ki, II Qaregin subaylıq andını pozubmu, övladı varmı. Bu məsələyə təcili aydınlıq gətirilməlidir”, - baş nazir bildirib.
Ətraflı
Ermənistan baş naziri dünən də sosial mediada bu barədə yazmışdı: “Əgər məlum olsa ki, II Qaregin subaylıq andını pozub və övladı var, o, artıq bütün ermənilərin katolikosu ola bilməz”.
Xatırladaq ki, Nikol Paşinyanla erməni kilsəsi arasında münasibətlər son illərdə, xüsusən də hökumət nümayəndələrinin bütün ermənilərin katolikosu II Qareginin istefasını tələb etməsindən və onun 44 günlük müharibədə Azərbaycana məğlubiyyətə görə Ermənistan hakimiyyətini kəskin tənqid etməsi səbəbindən pisləşib.
