“Ermənistan və Azərbaycan arasında sülh prosesi ilə bağlı beynəlxalq tərəfdaşlardan alınan siqnallar və cavablar kifayət qədər müsbətdir”.
Teleqraf xəbər verir ki, bunu Ermənistan Mərkəzi Bankının rəhbəri Martin Qalstyan parlamentdə çıxışı zamanı deyib.
“Amma gələcək hadisələrlə bağlı qeyri-müəyyənlik də var”, - Qalstyan əlavə edib.
Onun sözlərinə görə, sülh sazişi imzalanarsa, Ermənistan mövcud riskləri əhəmiyyətli dərəcədə azalda və xarici investisiyaların əhəmiyyətli axınını təmin edə bilər.
Mərkəzi Bankın sədri proseslə əlaqədar iqtisadi artım göstəricilərinə yenidən baxıla biləcəyini istisna etməyib.
