Ermənistanın Moskvadakı səfirliyi qarşısında Baş nazir Nikol Paşinyana qarşı etiraz aksiyası keçirilib.
Teleqraf xəbər verir ki, bu, İrəvan məhkəməsinin dövlət çevrilişinə çağırışda ittiham olunan arxiyepiskop Mikayel Ajapaxyanı təqsirli bildikdən sonra baş verib.
Aksiya iştirakçıları əllərində “Kilsə müxalifət deyil”, “Əllərini müqəddəslərdən çək” və digər şüarlar yazılmış plakatlar qaldırıblar. Nümayişçilər Ermənistan hakimiyyətindən Ajapaxyanı azad etməyi tələb ediblər.
Xatırladaq ki, məhkəmə dünən Mikayel Ajapaxyanı dövlət çevrilişinə çağırışda təqsirli bilib. O, hazırda həbsdədir. Ajapaxyanı 5 ilə qədər həbs gözləyir. Bundan əvvəl Paşinyan açıq şəkildə bütün ermənilərin katolikosu II Qaregini subaylıq andını pozmaqda ittiham etmiş və onun istefasını tələb etmişdi.
