“Türkiyə Ermənistanla sərhədləri cəza olaraq bağlayıb”.
Teleqraf xəbər verir ki, bunu Ermənistanın hakim “Vətəndaş Müqaviləsi” Partiyasından olan deputat Arsen Torosyan deyib.
“Türkiyə və Azərbaycanla sərhədlər müharibə səbəbindən bağlanıb. Türkiyə birtərəfli olaraq sərhədləri mahiyyətcə (Azərbaycan ərazilərinin işğal edilməsinə görə - red.) cəza olaraq bağlayıb. Açıq sərhədlər olsaydı, biz daha sürətlə inkişaf edərdik. Ermənistan hakimiyyəti Türkiyənin sərhədləri açması üçün addımlar atsa da, bu günə kimi buna nail ola bilməyib.
İndi bütün bunlardan sonra sərhədlərin qapalı qalmasını istəyənlər (Ermənistanın revanşist müxalifət qüvvələrini nəzərdə tutur – red.) kimin maraqlarına xidmət edirlər?” - Torosyan bildirib.
