ABŞ Prezident Administrasiyası xarici ölkələrdəki 29 səfirini geri çağırır.
Axar.az xəbər verir ki, bu barədə “Assoşeyted Press” məlumat yayıb.
“Diplomatik nümayəndəliklərin rəhbərlərinə ötən həftə səlahiyyət müddətlərinin 2026-cı ilin yanvar ayında başa çatacağı barədə məlumat verilib. İstefaya gedən bütün səfirlər sabiq prezident Baydenin zamanında post tutublar. ABŞ-ın yeni diplomatik strategiyası hazırkı Prezident Donald Trampın “Hər şeydən öncə Amerika” prioritetlərini tam dəstəkləyən kadrların işə götürülməsini nəzərdə tutur. Ən çox səfir Afrikadan geri çağırılıb: Burundi, Kamerun, Kabo-Verde, Qabon, Fil Dişi Sahili, Madaqaskar, Mavriki, Niger, Nigeriya, Ruanda, Seneqal, Somali və Uqanda. Asiyanın isə altı ölkəsində səfirlər dəyişdiriləcək: Fici, Laos, Marşal adaları, Papua Yeni Qvineya, Filippin və Vyetnam. Bundan başqa, Avropada - Ermənistan, Makedoniya, Monteneqro və Slovakiya, Yaxın Şərqdə - Əlcəzair və Misir, Cənubi və Mərkəzi Asiyada - Nepal və Şri-Lanka, Qərb yarımkürəsində isə Qvatemala və Surinamadakı səfirlər geri çağırılacaq”, - məlumatda deyilib.
