“Erməni Apostol Kilsəsinin katolikosu II Qaregin subaylıq andını pozub, bu faktdır”.
Teleqraf xəbər verir ki, bunu Ermənistanın hakim “Vətəndaş Müqaviləsi” partiyasından olan deputat Vaaqn Aleksanyan deyib.
“Onlar bunu qəbul etmirlər, iddia edirlər ki, bu, çirkin sualdır, biz belə iddialara cavab vermirik. Əslində, bunun həqiqət olduğunu məhz belə sübut edirlər. Bir insana birbaşa sual verəndə və o, sadə şəkildə “bəli” və ya “yox” cavabı istisna olmaqla, hər hansı bir cavab verirsə, bu, o deməkdir ki, bu sualın cavabı onu verən üçün son dərəcə xoşagəlməzdir. İndi onlar da bunu dilə gətirmək istəmirlər və buna görə də məlum olur ki, Erməni Apostol Kilsəsinin katolikosu II Qaregin subaylıq andını pozub, o, katolikos ola bilməz”, - deputat qeyd edib.
Vaaqn Aleksanyan vurğulayıb ki, erməni kilsəsinin rəhbəri dəyişdirilməlidir:
"Erməni Apostol Kilsəsinin dəyərlərinə uyğun gələn yeni ruhani lider seçilməlidir. Erməni Apostol Kilsəsinin sadiq insanları bunu sevgi ilə və zorakılıq olmadan etməlidir. Yeni ruhani lider davranış yoxlamasından keçməli və hər şeydə Erməni Apostol Kilsəsinin liderinin real simasına və dəyərlərinə uyğun olmalıdır. İstisna etmirəm ki, Ermənistan Baş naziri (Nikol Paşinyan) hansısa formatda bu prosesi dəstəkləyəcək və ya iştirak edəcək”.
Xatırladaq ki, dünən Ermənistan Baş naziri bütün ermənilərin katolikosu II Qregini subaylıq andını pozmaqda ittiham edib. Paşinyanın sözlərinə görə, subaylıq andını pozaraq övlad sahibi olan Qaregin artıq Erməni Apostol Kilsəsinin rəhbəri ola bilməz.
