Hazırda Rusiyadan sığınacaq alan Suriyanın sabiq prezidenti Bəşər Əsəd təhlükəsiz yerdədir.
APA “NBC News”a istinadən xəbər verir ki, bunu Rusiyanın xarici işlər nazirinin müavini Sergey Ryabkov deyib.
Diplomat vurğulayıb ki, Əsədin ətrafında baş verənlər və ona sığınacaq verilməsi vəziyyətin açıq şəkildə fövqəladə olduğu hallarda belə Rusiyanın düzgün addım atmağa hazır olduğunu açıq şəkildə nümayiş etdirir.
“Prezident Əsəd Rusiyadadır. Belə bir vəziyyətdə nə baş verdiyi, necə həll olunduğu barədə fikir yürütməyim düzgün olmazdı. Amma o, təhlükəsiz yerdədir”, - Ryabkov bildirib.
