Avropa Şurası Ukraynaya qarşı təcavüz cinayəti üzrə Xüsusi Tribunalın yaradılmasının hüquqi əsasları barədə razılığa gəlib.
Bu barədə BBC məlumat yayıb.
Məlumata görə, tribunal yaradılarsa, o, Beynəlxalq Cinayət Məhkəməsindən müstəqil olacaq:
“Təcavüz cinayəti başqa bir dövlətə qarşı müharibənin başlamasından ibarət olan beynəlxalq cinayətlərin ayrıca kateqoriyasıdır. Münaqişənin həm sıravi iştirakçılarının, həm də hər iki tərəfin komandirlərinin məsuliyyətə cəlb oluna biləcəyi hərbi cinayətlərdən və insanlığa qarşı cinayətlərdən fərqli olaraq, təcavüz cinayəti yalnız hücum qərarı verən ölkənin ən yüksək rəhbərliyinə aid edilə bilər. Beləliklə, tribunalın yaradılması barədə qərar qəbul edilərsə, onun işi ilk növbədə Vladimir Putinə aid olacaq”.
Politoloq Əhəd Məmmədli "Sherg.az"a deyib ki, vaxtilə Haaqa Daimi Arbitraj məhkəməsində Serbiya rəhbərləri və bəzi Xorvatiya səhra komandirləri həbs edilmişdi. Bu tribunallardan biri də Putinə qarşı hazırlanır:
"Putin daha "böyük balıqdır". Söhbət onun hansı dövlətin başında olduğundan gedir. Rusiya Serbiya deyil. Digər tərəfdən Roma Statutunu ratifikasiya edən ölkələrə tapşırıq var ki, Putin onlardan hər hansı birinə səfər etdikdə həbs edilsin. Lakin bu yalnız Rusiyanın Ukrayna ilə müharibədə uduzağı halda ola bilər. Necə ki Serbiyada Qərb yönümlü qüvvələrin təsiri "rəngli inqilab" baş vermişdi. Nəticədə Serbiyanın Baş naziri Miloş Vuçeviç tribunal yolu ilə hakimiyyətdən endirildi və həbs edildi. Rusiyada bu cür proseslərin gedəcəyinə inanmıram. Həmçinin Putinin də mövzuya reaksiyası olacaq. Bütün bunlarla yanaşı, AŞ-nin Ukraynaya qarşı təcavüz cinayəti üzrə Xüsusi Tribunalın yaradılmasının hüquqi əsasları barədə razılığa gəlməsini ABŞ-də bəyənməyəcək. Çünki Tramp istəyir ki, Rusiya və Ukraynanı danışıqlar masasına otuzdursun, o cümlədən atəşkəs imzalansın. İndiki məqamda isə sözügedən məsələ Putinin daha da qıcıqlanmasına gətirib çıxara bilər. Digər tərəfdən, ümumiyyətlə AŞ o qədər də təsirli bir qurum deyil".
