
Kiyevin alyans sevdası: Hazırda Ukraynanın NATO-ya üzvlüyü mümkün deyil
10:23 19.02.2025
Dünya
589
Ukraynanın NATO-ya üzv olub-olmaması müharibə başlayandan bəri ən çox müzakirə olunan məsələlərdən biridir. 2022-ci ildə Rusiya Ukraynaya hücum etdikdən sonra Kiyev NATO-ya inteqrasiyanı sürətləndirməyə çalışsa da, alyansın üzvü olan bəzi dövlətlər ehtiyatlı yanaşma nümayiş etdirirlər.
Ukraynanın vəziyyətində isə problemli məqam məhz davam edən müharibədir. Rusiya ilə münaqişə davam etdikcə NATO üzvləri Kiyevin alyansa qoşulmasının təşkilat üçün birbaşa müharibə riskini artıracağını düşünürlər.
Siyasi şərhçi Həşim Səhrablı "Sherg.az"a bildirib ki, Donald Tramp administrasiyası Rusiya ilə orta yolu tapmağa çalışır:

"İndiyə qədər dəfələrlə bəyan ediliblər ki, Ukraynanın NATO-ya qoşulma məsələsi hazırda müzakirə mövzusu deyil və yaxın gələcəkdə də olmayacaq. Buna görə də bir qrup senatorun gəldiyi qənaətə arxalanıb Ukraynanın NATO-ya üzvlük prosesindən danışa bilmərik. Ümumi geosiyasi vəziyyət də Ukraynanın NATO-ya qoşulması perspektivlərinin çox zəif olduğunu bildirir. Bu qurumun üzvü olan ölkələr, məsələn, Macarıstan, Türkiyə, ABŞ və s. Rusiya ilə müəyyən qədər əlaqələrinin qorunub saxlanmasından yanadırlar. Onlar Qərb hegemoniyasına qarşı öz milli maraqlarını qorumaq üçün Rusiyanın başlatdığı qlobal mübarizədən fürsət kimi yararlanmaq istəyirlər. Ukraynanın NATO-ya qəbulu isə onların istəklərinə zidd olacaq. Çünki belə olan halda münaqişənin Qərbin üstünlüyü fazasında davamı deməkdir. Əslində elə bu da mövcud olan təkqütblü sistemin daha da gücləndirilməsinə xidmət edəcək. Ümumiyyətlə hazırkı güclər nisbətində, xüsusilə də Rusiyanın nüvə silahı təhdidləri fonunda Ukraynanın NATO-ya üzv edilməsi məsələsi o qədər də məntiqli addım olmazdı. Qurumun tərkibində olan dövlətlər düşünə bilərlər ki, bu, onların Rusiya ilə birbaşa qarşıdurmasına və nüvə silahı hücumuna məruz qalmasına gətirib çıxarar".
Ekspertin fikrincə, Ukraynanın NATO-ya üzv ola bilməsi reallıqdır:
"Müharibə bitdikdən sonra Rusiyanın fərqli regionlarda başı qarışar. Həmçinin Ukraynaya ordu və infrastruktur quruculuğunda dəstək verilər. Nəticədə rəsmi Kiyev özünü yenidən güclü vəziyyətə gətirər. Məhz bütün bunlardan sonra onun NATO-ya üzvlük məsələsindən danışa bilərik. Hazırda isə bu cür məlumatların yayılması yalnız Rusiyanı qorxutmaq, ona "gözdağı" vermək üçün işlədilən ifadələrdir".
Oxşar xəbərlər
Xəbər lenti
Hamısına bax
Payızda bu 2 qida mütləq yeyilməlidir
07:17 16.11.2026
Sağlamlıq
ABŞ-ın daha bir aviadaşıyıcısı Yaxın Şərqə gəlir
06:42 16.11.2026
Aktual
Serial eşqi gerçək oldu
03:33 16.11.2026
Şou
Qanınızı qatılaşdıran 2 əsas səbəb
02:56 16.11.2026
Sağlamlıq
Hörmüz boğazında tanker minaya düşüb
01:59 16.11.2026
Son dəqiqə
Saakaşvili milli komandanı dəstəkləməyəcək - Səbəb
01:40 16.11.2026
Aktual
İran XİN: ABŞ-nin Tehranın şərtlərinə cavabı praktik deyil
00:37 16.11.2026
Region
KİV: İranın arsenalında 1500–2500 ballistik raket var
00:16 16.11.2026
Aktual
Çexiyada son 40 ilin ən böyük etirazı...
23:33 15.11.2026
Dünya
Xırdalanda güclü külək 7 avtomobilə ziyan vurub
23:15 15.11.2026
Hadisə
Husilər Ər-Riyadda hava limanını hədəfə aldıqlarını açıqlayıblar
22:56 15.11.2026
Gündəm
SEPAH Fars körfəzində supertankerin batırıldığını açıqlayıb
22:19 15.11.2026
Gündəm
ABŞ-də uçuşların noyabrın 16-da normallaşacağı proqnozlaşdırılır
21:03 15.11.2026
Gündəm
İlham Əliyev televiziya və radio işçilərini təbrik edib
20:08 15.11.2026
Rəsmi
İran ilk termonüvə sintezi qurğusunu işə salmağa hazırlaşır
19:50 15.11.2026
Region