ABŞ-ın Milli təhlükəsizlik müşaviri Mayk Uolts Prezident Donald Trampın Nobel Sülh Mükafatı alacağına inandığını açıqlayıb. AZƏRTAC-ın məlumatına görə, o, Donald Trampın dövrünü “sülh prezidenliyi” adlandırıb.
“O, Avropadakı müharibəni bitirəcək. O, Yaxın Şərqdəki müharibələrə son qoymağa hazırlaşır. O, ABŞ-a rəhbərliyi ilə öz yarımkürəmizə, Arktikadan Panamaya, Argentinadakı dostlarımıza qədər yenidən sərmayə qoymağı planlaşdırır. Bütün bunların sonunda biz Nobel Sülh Mükafatını Donald Trampın adının yanında görəcəyik”,- deyə Mayk Uolts bildirib.
