Amerikalı sahibkar İlon Maskın dövlət xidmətini tərk edəcəyi ilə bağlı xəbərlər təkzib olunub.
Teleqraf xəbər verir ki, bu barədə Ağ Evin mətbuat katibi Kerolin Levitt "X" sosial şəbəkəsində yazıb.
O qeyd edib ki, Mask Hökumətin Səmərəliliyi Departamentindəki (DOGE) işi başa çatdıqdan sonra dövlət xidmətini tərk edə bilər.
"İlon Mask və Donald Tramp açıq şəkildə bildirdilər ki, İlonun DOGE-dəki inanılmaz işi başa çatdıqdan sonra o istefa verəcək" - Levitt bildirib.
Ağ Evin sözçüsü milyarderin tezliklə vəzifəsindən gedəcəyi ilə bağlı məlumatları “zibil” adlandırıb.
