Adıyamanın Besni rayonunda 2060 il əvvəl sal qayaya oyulmuş Kommagene kralı I Antioxun oğlu II Mitridatisin məzarının yerləşdiyi Sesönk (Obelisk) Tumulusu diqqət çəkir. Tumulus quruluşu və yeri ilə görənləri valeh edir.
“Sherg.az” “Milliyet.com.tr”yə istinadən bildirir ki, Dikilitaş kəndinin qayalıq və hündürlükdə yerləşən Kızıltəpə bölgəsində yerləşən Sesönk Höyükdə 3 yuvalı türbə otağına pillələrlə qalxılır. Oyulmuş əsas qayada 7 metr hündürlüyündə, 30 metr diametrdə söküntü daşlarından hörülmüş tumulus var. Digər tumullar torpaq və kiçik çınqıllardan, Sesönk tumulusu isə iri söküntü daşlarından ibarətdir. Şimal, cənub və şərqdə 6 sütunu olan Sesönk höyükünün şərqindəki 2 sütun zamanla dağılıb. Kommagene kralı I Antioxun oğlu II Mitridatisin məqbərəsinin yerləşdiyi bu mühüm tarixi tikili yüksək qayalıq ərazidə yerləşdiyi və nəqliyyat vasitələrinin olmaması səbəbindən çox az adam tərəfindən ziyarət edilir. Tumul haqqında məlumat verən Muzey direktoru Mehmet Alkan, "Burada olan tumulun hündürlüyü 7 metrdir və 3 yuvanın içindən qayaya oyulmuş bir məzardır. İndi içəri girilə bilər və yuxarı hissələrində söküntü daşlarından 7 metr yüksəklik yaradılıb. Bura Kommagenie Krallığının məzarlıq yeri olaraq bilinir. I Antioksun oğlu Kral II Mitridatisin miladdan öncə 36-2-ci1 illərdə bura dəfn edildiyi zənn edilir. Bu qayalığa təxminən 20-25 dəqiqəlik piyada yolla gəlirlər. Bura çox baxımsız, yüksək dağlıq ərazidə yerləşir.
Məlahət
