Ermənistanın Baş naziri Nikol Paşinyan artıq Türkiyə Prezidenti Rəcəb Tayyib Ərdoğan üçün də maraqsız olub.
Axar.az Globalinfo.az-a istinadla xəbər verir ki, bunu erməni jurnalist Sevak Akopyan deyib.
O, Türkiyənin Ermənistanla münasibətlərin normallaşması üçün bir neçə dəfə danışıqlara başladığını vurğulayıb:
“Proses başladıldı, lakin davam etmədi. Ankara hər dəfə ilkin şərtlər qoyurdu, qəbul edilmədikdə geri çəkilirdi. Çünki onlar üçün əsas məsələ ilkin şərtlərin yerinə yetirilməsi idi. Məsələn, 2009-cu ildəki “Futbol diplomatiyası” da belə cəhdlərdən biri idi. Lakin indi vəziyyət dəyişib, İrəvan Bakı və Ankaranın bütün şərtlərini qəbul edib. Amma yenə də normallaşma ilə bağlı heç bir addım müşahidə olunmur. Çünki Ermənistana maraq artıq itib, lazımı razılaşmalar əldə olunub. Türkiyə buna sadə bir proses kimi baxır, Ermənistan üçün isə ölüm-dirim məsələsidir”.
