İsrail Müdafiə Qüvvələri martın sonunda Qəzza zolağının cənubunda təcili yardım maşınlarının atəşə tutulması ilə bağlı apardığı araşdırmanın nəticələrini açıqlayıb.
Teleqraf xəbər verir ki, bu barədə İsrail ordusunun mətbuat xidməti məlumat yayıb.
Məlumata görə, araşdırma nəticəsində hərbçilərin hərəkətlərində bir sıra səhvlər aşkar edilib.
Atəşdən sonrakı hərəkətlərə görə məsuliyyəti 14-cü ehtiyat zirehli briqadanın komandiri daşıyacaq və şəxsi işində qeydlə töhmət alacaq. Qolani kəşfiyyat batalyonunun komandir müavininə qarşı daha sərt tədbirlər görülüb: o, hadisə yerində etdiyi hərəkətlərə və istintaq zamanı natamam və qeyri-dəqiq məlumat verdiyinə görə tutduğu vəzifədən azad ediləcək.
