İsrailin tam blokadası nəticəsində Qəzza zolağında ərzaq və içməli su ehtiyatları demək olar ki, tükənib.
Telerqaf xəbər verir ki, bu barədə BMT-nin Humanitar Məsələlərin Əlaqələndirilməsi İdarəsinin (OCHA) Qəzzadakı nümayəndəsi məlumat yayıb.
Məlumatda deyilir ki, iki ay əvvəl başlayan blokadadan sonra Qəzzada ən pis humanitar böhran üçün geri sayım başlayıb. Hazırda yanacaq ciddi şəkildə məhdudlaşdırılmış şəkildə paylanır və yalnız ən vacib ehtiyaclar üçün istifadə olunur.
"Ərzaq ehtiyatları demək olar ki, bitib. Suya çıxış mümkün deyil, xəstəxanalarda isə qan ehtiyatı qalmayıb, çünki xəsarət alanlar fasiləsiz olaraq daxil olur", – nümayəndə qeyd edib.
