“PKK terror təşkilatının ləğvinin çox mühüm nəticələri olacaq”.
Teleqraf xəbər verir ki, bunu PKK terror təşkilatının özünüləğv qərarını şərh edən Türkiyənin Milliyyətçi Hərəkat Partiyasının (MHP) sədri Dövlət Baxçalı deyib.
“PKK bu gün səhər silahlarını yerə qoyduğunu və təşkilati varlığını ləğv etdiyini açıqlayıb. Nəhayət, ümid edirəm ki, PKK bəlası sona çatacaq və 47 il xəyanətlə yazılan qanlı səhifə bir daha açılmamaq şərti ilə bağlanacaq. Sözügedən tarixi inkişafın, şübhəsiz ki, çox mühüm və özünəməxsus nəticələri olacaq və siyasətin və demokratiyanın yüksəlişi və inkişafı ilə sona çatan silahlı qarşıdurma dövrü acı xatirələri və dərsləri ilə geridə qalacaq”, - MHP lideri bildirib.
Dövlət Baxçalı vurğulayıb ki, terror təşkilatının ləğvi yeni əsrdə əldə edilən və reallaşan ilk hədəfdir.
