Ukrayna Prezidenti Volodimir Zelenski Çini dronların tədarükü ilə bağlı ikili standartlarda ittiham edib.
Teleqraf xəbər verir ki, Ukrayna lideri Çinin “Mavic” kvadrokopterlərinin Kiyevə satışını praktiki olaraq əngəllədiyini, Moskvaya isə tədarük etdiyini bildirib.
Zelenskinin sözlərinə görə, Çinin sözügedən dronların Rusiya ilə birgə istehsal xətləri də var.
“Çin “Mavic”ləri ruslar üçün açıqdır, ukraynalılar üçün isə bağlı”, - Ukrayna Prezidenti vurğulayıb.
Zelenski Pekinin Kiyev və digər Qərb ölkələrinə pilotsuz təyyarələrin satışını dayandırdığını, amma Moskvaya ixracı artırdığını iddia edib:
“İndi kimsə Çinin Rusiyaya kömək edib-etmədiyini soruşanda, biz bu addımlar barədə nə deməliyik?”.
