
Politoloq: Qəzzadakı faciələr HƏMAS-ın seçdiyi metodların nəticəsidir
08:38 16.09.2025
Dünya
414
Fələstin Administrasiyası və ərəb dövlətləri artıq HƏMAS-ı dəstəkləmir
Bölgədə yeni dövrün başlanması üçün ilk növbədə HƏMAS siyasi səhnədən çəkilməlidir
İsrail Qəzza şəhərini ələ keçirmək məqsədilə hərbi əməliyyata başlayıb.
Bu barədə İsrail rəsmilərinə istinadən “Axios” portalı məlumat yayıb.
Məlumata görə, yerüstü əməliyyata start verilib. İsrail ordusu əməliyyatın yekunu olaraq Qəzza şəhərini ələ keçirməyi və Fələstinin radikal HƏMAS qruplaşmasını məhv etməyi planlaşdırır.
Bir sıra dövlətlər və beynəlxalq təşkilatlar əməliyyatların genişlənməsinin bölgədə humanitar böhranı daha da dərinləşdirə biləcəyini bildirirlər. Onlar dinc əhalinin qorunması, atəşkəsə nail olunması və humanitar yardım dəhlizlərinin açılması ilə bağlı çağırışlar edirlər. Eyni zamanda ekspertlərin fikrincə, Qəzzada baş verənlər təkcə İsrail-Fələstin münaqişəsi ilə məhdudlaşmır, bu proses regionda yeni siyasi və təhlükəsizlik gərginliklərinə yol aça bilər.
Politoloq Taleh Əliyev Sherg.az-a deyib ki, bu gün Qəzzada baş verən hadisələr HƏMAS təşkilatının hələ iki il əvvəl İsraildə həyata keçirdiyi terror aktından sonra başlayan qarşıdurmanın yeni və qanlı bir mərhələyə qədəm qoyduğunu göstərir:

"Buna görə də Qəzzada baş verən faciələrin ardı-arası kəsilmir. Burada yalnız İsrail tərəfini ittiham etmək doğru olmazdı. Çünki 7 oktyabr terror hadisələrindən sonra hələ də girovluqda qalan israillilər var. İsrail tərəfinin yanaşması ondan ibarətdir ki, bütün girovlar azad edilməli, HƏMAS isə Qəzzadakı mövcudluğunu silahlı qruplaşma kimi sona çatdırmalı və yeni bir dövr başlanmalıdır. Amma şahid oluruq ki, Hamas fələstin xalqından daha çox, arxasında dayanan gücləri təmsil edərək silahlı müqavimətini dayandırmır. Nəticədə on minlərlə günahsız fələstinli – xüsusilə də Qəzzalılar, uşaqlar, qadınlar, qocalar, xəstələr hərbi əməliyyatların gedişində həlak olur. İki milyon əhalisi olan Qəzza bölgəsində indi elə bir yer qalmayıb ki, orada normal həyat mümkün olsun.
Tamamilə hərbi əməliyyatların hədəfinə çevrilmiş bu ərazi bu gün yaşayış məntəqəsindən daha çox bir müharibə meydanını xatırladır. Ona görə də bölgədə yeni dövrün başlanması üçün ilk növbədə HƏMAS siyasi səhnədən çəkilməlidir. Çünki artıq Fələstin Administrasiyasının özü də onu dəstəkləmir. Digər ərəb dövlətləri də HƏMAS-ın hərəkətlərini pisləyirsə, biz birtərəfli qaydada İsraili və onun rəhbərliyini qınaya bilmərik".
Analitikin sözlərinə görə, İsrail dövləti öz xalqının təhlükəsizliyini və maraqlarını müdafiə edir:
"Əslində HƏMAS-ın da fəaliyyətlərini tamamilə qınamaq düzgün olmazdı. Amma etiraf edilməlidir ki, təşkilatın seçdiyi metod Fələstinin dövlət kimi tanınmasına deyil, əksinə, Qəzza bölgəsinin bu gün yaşadığı acınacaqlı vəziyyətə gətirib çıxarıb. Bu baxımdan hər zamankı kimi məğlub olmuş siyasət və siyasətçilər siyasi səhnəni tərk etməlidirlər".
Oxşar xəbərlər
Xəbər lenti
Hamısına bax
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya