Böyük Britaniya hökuməti Ukraynada hərbi əməliyyatlar başa çatdıqdan sonra öz qoşunlarını yerləşdirmək imkanını nəzərdən keçirir.
Teleqraf xəbər verir ki, Müdafiə naziri Con Hili London Sitisinin merinin iqamətgahında çıxışı zamanı danışıb.
O bildirib ki, bu məqsədlə 135 milyon dollardan (100 milyon funt sterlinqdən) çox vəsait ayrılması planlaşdırılır.
“Sülh mümkündür. Əgər ABŞ prezidenti Donald Tramp sülhə nail ola bilsə, biz bu sülhü uzunmüddətli təmin etmək üçün hazır olacağıq. Bunun üçün investisiyalara və qoşunlarımızın yerləşdirilməyə hazırlanmasına ehtiyac var,” – deyə Hili vurğulayıb.
O həmçinin qeyd edib ki, Böyük Britaniyanın baş naziri Kir Starmer lazım gəldiyi halda Britaniya hərbçilərinin Ukraynada olmasını istəyir.
“Mən artıq bu istiqamətdə milyonlarla funtun ayrılmasını sürətləndirmişəm və gözlənilir ki, xərclər 100 milyon funtu keçəcək,” – nazir əlavə edib.
