ABŞ Prezidenti Donald Tramp Qətər Əmiri Şeyx Təmim bin Həməd əl-Tani ilə söhbətində İsrailin Dohada HƏMAS Hərəkatının üzvlərinə zərbə endirməsini “taktiki səhv” adlandırıb.
Teleqraf xəbər verir ki, Ağ Ev rəhbəri bu barədə “Time” jurnalına verdiyi müsahibədə danışıb.
“Qətərdə taktiki səhvə yol verdilər, bu, dəhşətli idi, Qətər əmirinə bu barədə danışmışam”, - Amerika lideri qeyd edib.
Donald Tramp bildirib ki, İsrail Baş naziri Binyamin Netanyahuya anlaşmaya razı olması üçün təzyiq edən məhz o olub.
Prezidentin fikrincə, İsrail bütün dünya ilə döyüşə bilməzdi, çünki onun mövqeyi getdikcə daha da qeyri-populyar olmağa başlayırdı.
