Vaşinqton və Brüssel arasında ticarət sazişi Avropa üçün fiaskodur.
Axar.az xəbər verir ki, bunu Fransanın Milli Birlik Partiyasının parlament fraksiyasının lideri Marin Le Pen deyib.
“Ursula fon der Leyenin Donald Trampla bağladığı ticarət sazişi siyasi, iqtisadi və mənəvi fiaskodur. Belə bir asimmetrik razılaşmadan sonra AB-nin suverenliyi nəzərəçarpacaq dərəcədə pozulur və Brüssel bürokratiyasının ağırlığı altında tamamilə yox olur”, - o bildirib.
Qeyd edək ki, ABŞ və AB Vaşinqtona idxal edilən bütün Avropa mallarına 15% rüsum tətbiq ediləcəyi, AB-nin isə Amerika mallarına rüsum tətbiq etməyəcəyi barədə razılığa gəlib.
