ABŞ Nikolas Maduronun Venesuela prezidenti kimi and içdiyi gün onun həbsi üçün 25 milyon dollar mükafat təyin edib.
Bu barədə "Report" BBC-yə istinadən xəbər verir.
"Biz Nikolas Maduro və daxili işlər, ədliyyə və sülh naziri Diosdado Kabello üçün mükafatı 25 milyon dollara qədər artırırıq. Bundan əlavə, müdafiə naziri Vladimir Padrinonun həbsinə və mühakimə olunmasına səbəb olan məlumat üçün yeni 15 milyon dollar mükafat əlavə edirik", - ABŞ administrasiyasının yüksək səviyyəli rəsmisi brifinqdə deyib.
Bundan əvvəl Venesuelanın paytaxtı Karakasda üçüncü dəfə ölkə prezidenti kimi fəaliyyətə başlayan Nikolas Maduronun andiçmə mərasimi keçirilib.
