"Resurslar üzrə saziş layihəsinin yeni variantında Ukrayna üçün təhlükəsizlik təminatları nəzərdə tutulmayıb".
Teleqraf xəbər verir ki, bu barədə Amerikanın "The New York Times" qəzeti məlumat yayıb.
“İndi Kiyevin əvvəllər uğurla aradan qaldırdığı tələblər – Vaşinqtonun Ukraynanın bərpası üzrə fonda nəzarəti əlində saxlaması və digər məsələlər son təklifdə yenidən gündəmə gəlib. Təhlükəsizlik zəmanətləri isə yoxdur”, – məlumatda bildirilir.
Qeyd edək ki, aprelin 9-da Ali Radanın deputatı Bohdan Kitsak bəyan edib ki, Ukrayna ABŞ-nin təklif etdiyi mineral ehtiyatlar üzrə yeni saziş layihəsini imzalamağa razı deyil. O vurğulayıb ki, Kiyev Vaşinqtonun irəli sürdüyü şərtləri qəbul edə bilməz, çünki bu, faktiki olaraq ölkənin iqtisadi və dövlət suverenliyinin itirilməsi deməkdir.
