Qrenlandiya Amerikanın təhlükəsizlik sisteminin bir hissəsi kimi ABŞ-ın tərkibinə daxil olmalıdır.
APA xəbər verir ki, bunu Ağ Evin Administrasiya rəhbərinin müavini Stiven Miller CNN-ə müsahibəsində bildirib.
O, eyni zamanda adanın hərbi yolla ələ keçirilməsi ehtimalını da istisna etməyib.
“Prezident aylar ərzində açıq şəkildə bildirib: Qrenlandiya ABŞ-ın ümumi təhlükəsizliyinin bir hissəsi olmalıdır. Qrenlandiya ABŞ-ın tərkib hissəsi olmalıdır. Heç kim Qrenlandiyanın gələcəyi ilə bağlı ABŞ-la hərbi qarşıdurmaya getməyəcək”, – Miller vurğulayıb.
Aparıcı birbaşa şəkildə hərbi müdaxilənin istisna edilib-edilmədiyini soruşduqda, Miller cavabdan yayınıb və bunun əvəzinə Danimarkanın Arktika ərazisinə iddialarını şübhə altına alıb.
“Onların ərazi iddiaları nəyə əsaslanır? Qrenlandiyanın Danimarkanın koloniyası olması iddiası nəyə söykənir? (ABŞ NATO-nun əsas gücüdür. ABŞ Arktika regionunun təhlükəsizliyini təmin etmək, NATO-nun maraqlarını qorumaq istəyirsə, aydındır ki, Qrenlandiya ABŞ-ın tərkib hissəsi olmalıdır. Buna görə də bu, ölkə olaraq müzakirə edəcəyimiz bir məsələdir”, – o yekunlaşdırıb.
