Ağdaş rayonu və Yevlax şəhərində yanğın olub.
Fövqəladə Hallar Nazirliyinin mətbuat xidmətindən Teleqraf-a verilən xəbərə görə, Ağdaş rayonunun Pirəyir kəndində ümumi sahəsi 84 m² olan talvarın taxta atmaları və altında yığılan 48 ton ot bağlamasının 27 tonu yanıb.
Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Bundan başqa, Yevlax şəhərinin Varvara kəndində ümumi sahəsi 90 m² olan birmərtəbəli 4 otaqlı evin iki otağının tavanı 40 m² sahədə, dam örtüyünün yanar konstruksiyaları 45 m² sahədə və hamam otağının lambirdən ibarət tavanı 6 m² sahədə yanıb.
Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
