Amerikalı kinorejissor və ssenarist Devid Linç vəfat edib.
Trend-in məlumatına görə, bu barədə "Variety" jurnalı onun ailəsinin sosial şəbəkəsindəki paylaşımına istinadən bildirib.
Məlumata əsasən, onun 78 yaşı olub.
2024-cü ilin avqustunda D.Linç jurnalistlərə deyib ki, ona xroniki xəstəlik sayılan ağciyər amfizemi diaqnozu qoyulub və bu, onun faəliyyətinə mane olub və onu evə məhkum edib.
Onun ən məşhur əsərləri arasında "Göy məxmər", "İtirilmiş şosse" və "Malxolland Drayv" filmləri, həmçinin "Tvin Piks" serialı var.
2019-cu ildə Devid Linç kinematoqrafiyada görkəmli nailiyyətlərinə görə fəxri "Oskar", 2006-cı ildə isə Venesiya Film Festivalında fəxri "Qızıl Aslan" mükafatına layiq görülüb.
