Sinqapurun ən iri banklarından sayılan DBS növbəti üç il ərzində azı dörd min işçini ixtisar edəcəyini elan edib. İxtisar olunan işçilərin vəzifələrini bundan sonra süni intellekt yerinə yetirəcək.
Trend xəbər verir ki, bu haqda BBC məlumat yayıb.
DBS bankının hazırda müvəqqəti əsaslarda və ya yarımştat işləyən işçilərinin sayı 8-9 min arasıdır. İxtisarların daimi əsaslarda işləyən əməkdaşlara toxunmayacağı bildirilir. Bankın ümumi insan resursu 41 minə yaxındır.
İxtisarlarla yanaşı, şirkətin süni intellektlə əlaqədar təxminən 1000 yeni vakansiya yaradacağı bildirilir.
“Bu gün biz 350 əməliyyat üçün 800-dən çox süni intellekt modelindən istifadə edirik və bunun iqtisadi təsirinin 2025-ci ildə bir milyard Sinqapur dollarına ($745,000) yaxın olacağı gözlənilir”, - deyə DBS baş icraçı direktoru Piyuş Qupta bildirib.
