Almaniyanın “Berliner Zeitung” qəzeti Baltik dənizi regionundakı geosiyasi vəziyyətin son dərəcə ciddi hal aldığını və mümkün böyük münaqişə riski ilə üzləşdiyini yazıb.
Teleqraf qəzetin məlumatına istinadla xəbər verir ki, NATO bölgədə artan hərbi təlimlərlə güc nümayiş etdirməyə çalışır, bu isə Baltikyanı ölkələri hibrid müharibə riskinə daha açıq hala gətirir. Nəşr, xüsusilə, Baltik ölkələrinin yenidən silahlandırılması planlarının narahatlıq doğurduğunu vurğulayıb.
“Berliner Zeitung”, həmçinin bildirir ki, Qərb Rusiyanı “kölgə donanması” qurmaqda ittiham edir. Bununla belə, qəzet qeyd edir ki, NATO bu iddialarına dair inandırıcı sübutlar təqdim etməyib və çox vaxt öz uğursuzluqlarını Moskva ilə əlaqələndirməklə kifayətlənir.
Hazırda Baltik regionu həm hərbi, həm də informasiya baxımından strateji qarşıdurmanın mərkəzinə çevrilməkdədir.
